Albisteak

2. eskuko azoka prest da Herri Azokarako

— 2016-05-13

Maiatzaren 21ean izango da Zestoako Herri Azoka. Azokarako hainbat ekimen antolatu dira, eta horien artean dago 2. eskuko azoka. Hori dela eta, azken bi asteetan ahalegin berezia egin dute 2. eskuko azokarako arropa biltzen Arropa Solidarioa taldekoek. Eliz Kaleko “Zentroan” gordetzen dute jasotako arropa guztia, eta argazkietan ikus daiteke zenbat lan egin duten jasotako guztia sailkatzen.

Herri Azokan herritarrentzat eskuragarri jarriko dute orain arte bildu duten guztia. Gehienez ere 5 euroko prezioa izango dute 2. eskuko azokan eskuratu ahal izango diren salgaiek.

Arropa bilketa urte guztian zehar

Hala ere, herritarrek urte guztian zehar utzi dezakete arropa Eliz Kalean egoten den edukiontzian (irudietan ikusgai). Arropa Solidarioa taldeko kideek adierazi digutenez, orokorrean gizonezkoen arropa falta izaten zaie.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide