Albisteak

Errege kabalgatako antolatzaileak, errelebo eske

— 2019-12-23

Sei urte daramatza kabalgata antolatzen duen taldeak lan hori egiten. Lana gustura egiten dutela diote baina beste herritar batzuei lekukoa pasatzeko ordua iritsi dela. “2020koa izango da guk egingo dugun azkenekoa. Hurrengo kabalgata antolatzeko diru eskaera urte hasierako lehen hilabeteetan egin behar dela kontuan hartuta, ezinbestekoa litzateke lehenbailehen talde berria osatzea” esan dute. Talde berriari antolaketa lanean eman beharreko lehen pausoetan laguntzeko prest agertu dira. Errege kabalgataren etorkizuna herritarren esku dagoela nabarmendu dute eta boluntario berririk gabe, ekimena bertan behera geldituko dela.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide