Nafarroa erdi eta hegoaldeko kalitatezko produktuak eskura daitezke: oliba olio birjina estra, arroza, pasta, lekaleak, ardoa eta kontserbak. Aukera paregabea da gure despentsak urte osorako betetzeko, ekoizlearen jatorrizko prezioan eta euskaraz etiketatuta. Eskaerak egiteko epea zabalik dago martxoaren 18ra arte, eta webgunean edo telefonoz egin daitezke (errigora.eus webgunean edo 848 87 12 23 telefono zenbakian).

Eskaera egiten dutenek, Zestoan bertan jaso ahal izango dituzte produktuak maiatzaren 7an. Banaketa Zestoako Udalak Zubimusu auzunean duen lokalean egingo da maiatzaren 7an bertan, 11:00etatik 12:30era eta 17:00etatik 18:30era.