Albisteak
Aitor Salegi Erniarraitzeko finalerako sailkatu da
— 2018-03-04Ehun bat lagun elkartu dira kultur etxean IX. Erniarraitz txapelketako azken kanporaketan. Peru Abarregi, Aitor Bizkarra, Xabi Igoa, Jon Ander Iriondo, Haritz Mujika eta Aitor Salegi aritu dira Aizpea Aristi gai jartzailearen agindutara. Aitor Bizkarra izan da puntu gehien lortu duen bertsolaria.
Aitor Salegi herritarra ez da gustura jardun. Agurreko bertsoan aitortu ditu bere sentsazioak: zortziko handian; bukaera joan zaio nonbait, zortziko txikian; lo hartu du eta bakarkako ariketan; poto egin du. Erralla bertso eskolako kidea gustura agertu da aretoa beteta ikusita ordea, eta kontuak kontu, martxoaren 16an Azpeitiko Gaztetxean izango den finalerako pasea ere lortu du.
Hola hemen punttua emanda bota dituen bertsoak:
Manuel Uztapide
txapeldun handia
gure herriarentzat
a ze miraria
eta gazteontzako
degu gidaria
herriko izatea
guretzat saria
Pizturik nola gorde
bertsoaren sua
gazteei pasatzea
guk konpromezua
eraginkor bihurtuz
hitza ta mezua
bihar ere bizirik
behar da bertsua
Egin zaitez bazkide