Albisteak
Aitor Salegik 2024 Gipuzkoako Bertsolari Txapelketan parte hartuko du datorren astean
— 2024-09-18Irailaren 14an hasi zen Urretxun Gipuzkoako Bertsolari Txapelketa, hiru hilabete iraungo duena eta abenduaren 14an amaituko dena Donostian. 48 bertsolarik hartuko dute parte 16 saiotan, hainbat fasetan banatuta: zazpi final zortzirenak, bost final-laurden, hiru finalaurreko eta final bat. Lehiakideetatik 14 aurreko txapelketatik datoz eta 34 udaberriko Gipuzkoa Bertsotan fasean sailkatu ziren, tartean Aitor Salegi.
Salegik parte hartuko duen hurrengo saioa, irailaren 29an izango da Andoainen, Bastero kulturgunean, arratsaldeko 17:00etan. Andoni Mujika Izagirre, Endika Igarzabal Murua, Eñaut Martikorena Lizaso, June Aiestaran Iparragirre eta Manex Mujika Amunarrizekin batera osatuko du saioa.
Irakurle, gure webgunean albiste hau irakurri baduzu, publizitate eta
erakundeen diru laguntzez gain, urtero 30 euroko diru ekarpena egiten
duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure
ekarpena egiten jarraitu nahi dugu. Proiektua sendotzen lagundu nahi
baduzu, egin zaitez bazkide.
Egin zaitez bazkide
Egin zaitez bazkide