Albisteak

Aizarnako ludoteka berritu dute eta atzo ostiralez irekiera ekitalditxoa egin zuten. Prozesu parte-hartzaile bat egin da ume eta gurasoekin. Hainbat saio egin dituzte eta gero auzolanean berritu dute ludoteka. Zortzi txoko ditu ludoteka berrituak; sormen txokoa, etxetxoa, mozorroen txokoa, eraikuntza txokoa, mahai jolasena, ipuinen txokoa, salto egiteko txokoa eta futbolina. Umeei txokoak eta materiala aurkeztu eta merienda egin zuten irekiera festa giroan bukatzeko.