Albisteak

Alarma egoera bukatu arteko ordutegiak arautu ditu Udalak

— 2020-05-26

Zestoako Udalak esteblezimenduek bete beharreko ordutegi muga zabaldu du alkatetza ebazpen bidez. Muga hau alarma egoerak irauten duen bitartean egongo da indarrean. Alarma egoera amaitzen denean, beste alkatetza ebazpenik ez badago, ohiko ordutegiak sartuko dira berriz indarrean.

Deseskalatze prozesuko bigarren fasean sartu ginen atzo, astelehena. Fase honetan, taberna eta jatetxeko terrazetan egoteaz gain, establezimendu barruan egoteko aukera izango da, edukieraren %50eraino, 2 metroko distantzia errespetatuta eta beti mahaietan jarrita. Elkarte gastronomikoetako ateak ere ireki ahal izango dira baina edukieraren %50 gainditu gabe eta distantziak errespetatuta. Beraz, Udalak ezarritako ordutegi mugak taberna, jatetxe eta elkarte gastronomikoei eragiten die. Astelehenetik ostegunera, terrazak goizeko 6:00etatik gaueko 11:00etara egon ahal izango dira martxan eta gaueko 12:00k arte tabernak. Ostiraletik igandera, berriz, terrazak goizeko 6:00etatik gaueko 12:30era zabaldu ahal izango dira, eta 01:30 arte tabernak.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide