Albisteak

Martxotik maiatzera bitartean, pantailen erabilerari buruzko hitzaldi zikloa izan da Zestoan. Saio hauetan parte hartu duten hainbat gurasok interesa agertu dute herrian Altxa Burua taldea osatzeko eta halaxe elkartu ziren maiatzaren amaieran hori helburu hartuta. Gaur, astelehena, berriz bilduko dira, arratsaldeko 19:00etan, Gaztelekuan. Bileran, epe laburrera, DBHra pasako diren ikasleei begira, datozen bi ikasturteetarako helburuak zehazten hastea da asmoa.

Bestalde, epe luzera begira, batetik, seme-alabei Interneterako sarbidea duten gailuak ematea ahalik eta gehien atzeratzea da helburua. Bestetik, eskolak mugikor gabeko arnasgune bihurtzea eta era berean, hezkuntzaren digitalizazio osasuntsu, libre eta ebidentzietan oinarritu baten alde egitea proposatzen dute. Azkenik, helduak zein seme-alabak erabilera egokian trebatzea bilatzen dute, familian eredu izan eta kontzientzia saretzeko.