Albisteak
Alzheimerraren inguruko ipuin-kontaketa saioan izan dira ikastetxeko lehenengo zikloko haurrak
— 2019-10-29Zestoako Herri Ikastetxeko lehenengo zikloko haurrak Miru ipuin-kontalariaren kontaketan izan dira gaur goizean, liburutegian. Alzheimerraren gaixotasuna lantzen duen Nor zara? liburuko istorioa kontatu die Miruk. Alzheimerrak eragiten dituen aldaketak azaleratu dizkie txikienei, istorio harrigarrien bitartez. Gaixotasun honek eraginda gerta daitezkeen aldaketak normaltzat hartu eta irribarre txikiz onartzea izan da saio honen helburua. Gainera, abestu eta dantzatzeko aukera ere izan dute.
Ikuskizunaren gidoia alzheimerraren inguruan hainbat tesi garatu dituen Jokin Garrues gerontologoak babestu eta gomendatu du.
Irakurle, gure webgunean albiste hau irakurri baduzu, publizitate eta
erakundeen diru laguntzez gain, urtero 30 euroko diru ekarpena egiten
duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure
ekarpena egiten jarraitu nahi dugu. Proiektua sendotzen lagundu nahi
baduzu, egin zaitez bazkide.
Egin zaitez bazkide
Egin zaitez bazkide