Albisteak

Amabirjinetako pilota partidetako sarrerak abuztuaren 15etik aurrera egongo dira salgai

— 2024-08-13

Altuna III-Iztueta eta Ezkurdia-Albisu bikoteak egongo dira aurrez aurre partida nagusian eta, lehenagotik, B Ligako Egiguren V-Erostarbe eta Salaberria-Gabirondo bikoteen arteko partida jokatuko da.

Master Caixa Bank ligako partidak jokatuko dira Amabirjinetan. Irailaren 6an izango da ekitaldia, 21:15etan.

Sarrerak aldez aurretik eskuratu ahal izango dira abuztuaren 15etik aurrera. Udalak, 150 sarrera jarriko ditu salgai udaletxean eta turismo bulegoan, 30 euroko prezioan.

ARGAZKIA: baikopilota.eus

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide