Albisteak

Añes Ruiz Euskadiko txapeldun altuera jauzian

— 2024-02-27

Urteak dira Añes Ruizek (Zestoa, 2007) atletismoa egiten duela. Aurrez Azkoitiko eta Azpeitiko Xeye taldean ibilia, Errealeko taldean dabil duela bost bat urte ingurutik. Logroñon egindako Espainiako txapelketarako deitua izan zen Euskadiko Selekzioarekin. Hesiak, altuera jauzia eta luzera jauzia dira gehien praktikatzen dituen modalitateak.

Denboraldi honetan, pista estaliko txapelketan, hiru domina lortu ditu altuera jauzian; Gipuzkoa mailako absolutuetan bigarren postua eskuratu zuen, 18 urte azpikoen mailan ere Gipuzkoako bigarren sailkatu zen, eta 18 urte azpiko Euskadiko txapeldun izatea ere lortu du.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide