Albisteak
Antzerki Astearen egitaraua
— 2016-06-22Ekainaren 27tik uztailaren 2ra arte izango da 2016ko Antzerki Astea Zestoan. Egun gutxi falta dira Antzerki Astea hasteko eta egitaraua ezagutzera eman dute antolatzaileek:
- Ekainak 27: Lehen urteko ikasleen antzezpena, autore klasiko ezberdinen obren eszenak antzeztuko dituzte.
- Ekainak 28, 29, 30 eta Uztaila 1: Zestoako Eromen Antzerki Taldearen eskutik “Sweeney” antzezlana. Stephen Sondheim-en “Sweeney Todd” obran oinarritutako komedia.
- Uztailak 2: “Bihotz Salataria” antzezlana, Atx Teatroa talde bizkaitarraren eskutik.
Saio guztiak Kultur Etxeko aretoan izango dira, 20:30ean hasita. Sarrerak Fati tabernan daude salgai.
Antolatzaileek ostegun honetan xehetasun gehiago emango dituzte, beraz adi egon!
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide