Albisteak

Dultzaineroen dianarekin esnatu da herria eta jarraian Idiakaitz txistulari taldeak eta bandak ere egin dute kalejira. Txikienek hondarrezko eskulturak itzalean egiten nahiko lan izan dute. Meza ondoren, udal ordezkarien dantzaurrea izan da Itxaropena dantza taldeak eta Idiakaitz txistulari taldeak lagunduta. Mikel Arregi, alkateak, aurreskua egin dio atzo txupinazoa bota zuen Naroa Agirre pilotariari. Jarraian bandaren kontzertua izan da.

Hemen arratsaldeko egitaraua:

17:30. Herriko bandaren, dultzaineroen eta txistularien kalejira, lehen zekorketa iragarriz.

18.00. Zirkokoloretsu ikuskizuna umeentzat, kultur etxe atarian.

18:00. Gurea Kultura ekimenak antolatuta zezenketen alternatiba kontzertuak estazio aldean: Inoiz Ez, Rodeo, Ezpalak.

18:00. Lehen zekorketa. Toreatzailea: Pedro Luis. Ordezkoa: Sergio García. Ganadutegia: Adolfo Rodriguez Montesinos (Oropesa, Toledo). Ondoren, Lopene ganadutegiko zezen bolaztatuak.

Ondoren, Zestoako Banda Erdikalean.

19:30. Pilota partidak frontoi zaharrean: Goiuri Zabaleta – Naroa Agirre / Iera Iturriaga – Maite Mujika. Sasiain – Olaiz / Odriozola – Alonso.

22:00. Willis Drumond + MICE + Dj Olber, Laranjadin.