Albisteak

[ARGAZKIAK] Asentzioak giro paregabean ospatu dituzte Endoian

— 2022-05-30

Ostegunean hasi ziren festak Endoian. Auzo afaria eta erromeria izan ziren Manex eta Erkizirekin eta ostiralean, berriz, bertso afaria Mendiluze eta Zubeldiarekin. Larunbatean umeen txanda izan zen. Jolasen ondoren txokolateaz gozatu zuten bai eta pottokez ere. Dantzarako aukerarik ere ez zen falta izan.

Atzo, igandez, eman zitzaien jaiei amaiera. Mezaren ondoren Itziarko dantzariak izan ziren eta ondoren Iago Magok haur eta heldu txunditu zituen ikuskizuna eskaini zuen. Bazkariaren ondoren, herri kirolak eta Lopeneren zezen eta pottoken txanda izan zen. Eta jaiak dantzan amaitzeko, erromeria Larrañaga trikitilariekin.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide