Albisteak

Jendetza gerturatu zen atzo Narrondoko jaietara. Arratsaldean Mus eta eskoba txapelketak izan ziren. Jose Luis eta Timok irabazi zuten Mus txapelketa. Bigarren gelditu ziren Ander eta Imanol, hirugarren Gorka eta Eder eta laugarren, Joxe Mari eta Nerea. Auzoko aurrenak, berriz, Pako Bernal eta Maialen Tolosa izan ziren. Eskoba txapelketa, berriz, Arri eta Begok irabazi zuten.

Txikienentzat txokolatea eta apar festa izan ziren arratsaldean zehar, eta iluntzean sardina eta saiheski jana. Gure Ametsa elkartean afaria ere izan zen eta eguna amaitzeko Obaneuke taldearekin erromeria.

Gaurko egitaraua

Goizean zehar, 15:00ak bitartean I. Artisau Azoka izango da.

Taloa jateko aukera ere egongo da.

Goizean zehar hamaiketakoa Gure Ametsa Elkartean.

12:00 Asto proba Ibai Artabilla “Darko”- Etxabe “Irrintzi” .

Egun guztian zehar, Jagoba eta Maialen trikitilariek alaituko dute auzoa.

14:30 Paella jateko aukera

18:00 Lopeneren poniak.

Jarraian, Euskal Pentatloia: Amalur Arbelaitz, Ane Zapiain, Xabier Zaldua eta Andoni Izetarekin.

Ondoren, zikiro pintxotan karpan.

Egunari amaiera emateko, erromeria Jagoba eta Maialen trikitilariekin oholtzan.