Albisteak

[ARGAZKIAK] Karmentxuren etorrerarekin hasi dituzte jaiak Arroabean

— 2023-07-14

Hasi dira karmenak Arroabean. Denetik izan zen atzokoan Arroabean: jubilatuen meza eta bazkaria, umeen dantza ikuskizuna eta bertso saioa.

Trikiti doinu artean etorri zen Karmentxu. Hor egongo da txosna ondoan jaiak zaintzen festek irauten duten bitartean.

Gaur umeen eguna izango da. Goizean jolasak izango dituzte eta 13:00ak inguruan bazkaria. Ondoren, 15:30ean hasita, haurrentzat puzgarriak, apar festa eta txokolatada.

Arratsaldeko 18.30ean Distopia elektrotxaranga eta 21:00etan herri afaria. Egunari amaiera dantzan emateko gaueko 23:00etan Iratzar erromeria eta jarraian Dj Elepunto.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide