Albisteak

[ARGAZKIAK] Pio Baroja oroitzeko ibilbidea gidatu du Fernando Arzallusek eguerdian

— 2022-12-28

Pio Baroja (1872-1956), idazle eta Zestoan mediku izana jaio zela 150 urte bete dira gaur, eta hori dela eta, “Aztarka zuzenean” bisita gidatua eskaini du Fernando Arzallusek eguerdian. Herrian zeharreko ibilaldia eginez, orduko Zestoa hobeto ulertzeko informazio historiko interesgarriaz gain, Pio Barojak aipatzen dituen pertsonen inguruko argibideak eman ditu Arzallusek. Nagusiki Piori berari utzi dio “hitz egiten”, haren liburuetatik Zestoarekin lotutako pasarteak irakurriz. Arzallusen esanetan, Baroja “orduko jende xehearen zailtasunekin eta atsekabeekin konprometitua zegoela, eta Zestoa asko maitatzen zuela” ikusten da bere lanetan.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide