Albisteak

[ARGAZKIAK] Santaines jaiei hasiera ederra eman diote Iraetan

— 2024-01-20

Eguraldi hotzari aurre eginez jaiak ospatzen ederki ikasia dute Iraetan. Bi asteburutan banatuko diren jaiei gaur eman zaie hasiera. Arratsaldeari hasiera emateko auzoan jaiotakoei oroigarria banatu zaie. Garai batean urtero egiten zena, pandemia garaian eten egin zen eta gaur 13 haur elkartuta egin dute ekintza, 2020an jaiotakoetatik hasi eta gaur egun artekoei. Puzgarri eta txokolate beroaz gain Iraetako Trena ere martxan izan da eta haur eta helduek gozatu dute itzulia egiten.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide