Albisteak

Argi berdea GI-631 errepidea bulebarizatzeko proiektuari

— 2022-04-13

Zestoako Udalak herria gurutzatzen duen 631 errepidea eta honek herrira dituen sarrera eta irteerak egokitzeko aurreproiektua aurkeztu zuen duela urtebeteko mugikortasun planarekin batera. Orain Gipuzkoako Foru Aldundiak aurreproiektua, herritarrek egindako hainbat ekarpenekin, ontzat eman du.

Proiektua urte honetan esleituko da eta irailerako amaitua egotea aurreikusten da. Gipuzkoako Errepide sailarekin bilerak hasi ditu Udalak 1.300.000 eurotan aurreikusita dagoen lanen kostua finantzatzeko. Momentuz, Aldundia GI-631 errepideari dagokion obren zatia finantzatzeko prest agertu da. Errepideaz gain, herri barruko zirkulazioan ere aldaketak egingo dira eta hauek Udalak finantzatuko ditu.

Hemen bere garaian gai honen inguruan egin genuen bideoa

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide