Albisteak
Argiola komunitatearen bazkidetza kanpainak aurrera jarraitzen du
— 2024-03-02Asteburu honetan, Zestoako energia berriztagarrien komunitateak, Argiolak, bazkidetza mahaiak jarriko ditu han eta hemen. Atzo, arratsaldean, Arroabean eta Aizarnan jarri zituzten mahaiak eta herritar asko gerturatu zen informazio eske eta bazkide egitera. Gaur, eguerdian Zestoan jarri da mahaia eta arratsaldeko 19:00tan jarriko da berriz. Bihar eguerdian ere Zestoan jarriko dute mahaia 12:00tatik 14:00tara.
Guztira 100 bazkideko langa pasa du kooperatibak. Bazkide egiteko behin bakarrik egiten den 10 euroko ordainketa egin behar da. Mahaira bertaratzerik ez dutenentzat on line egiteko aukera ere bada lotura honetan: www.labur.eus/argiola-bazkidetu
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide