Aurkezpenean azaldu genuen moduan Argiola Kooperatiba eratze bidean da. Oraingo honetan bazkidetza kanpainaren berri eman nahi dizuegu.

Gure helburua Argiola komunitatea ahalik eta kide gehienez osatzea da. Zertarako? Aurrerantzean hartuko ditugun erabakiak herritarren partaidetzarekin eta modu zabalenean hartu nahi ditugu. Erronka komunitate indartsu bat osatzea da, izan ere, garatuko ditugun proiektu, ekimen eta zerbitzuak herritarron aldetik hauspoa eta laguntza izatea ezinbestekoa da. Azken finean, herritarrontzako egindako ekimenak izango baitira, gure eta gure inguruaren onerako.

Bidelagunak behar ditugu, eta zurekin bidea egin nahi dugu.

Bazkide izateko 10 euroko ekarpena egitea nahikoa da, ekarpen xumea, baina aldi berean, beharrezkoa, energia berriztagarrien komunitateari babesa emateko.

Argiola kooperatibako bazkide izateko interesik baduzu egin klik hemen eta bete inprimakia, aurrerago zurekin harremanetan jarriko gara bazkidetza gauzatzeko.