Albisteak

Pasa den larunbatean Corellan (Nafarroa) jokatu zen Euskadiko Lur Gaineko Rally txapelketako azken lasterketa. Bigarren egin zuten Aritz Iriondok eta kopilotu lanak egin zituen Ione Tapia bere emazteak. Aurreko lasterketetan oso denbora onak eginak zituzten eta hirugarren sailkatuta ere txapelketako sailkapen orokorra irabazteko aukera handiak zituzten. Iriondoren esanetan, “bigarren eta hirugarren itzulian lurra oso hondartsua zenez bidea asko puskatu zen, eta mekanika zaintzen ahalegindu ziren sailkapen ona ziurtatzeko”.

Kirolariak bere poza agertu du eta ez da gutxiagorako, urte bikaina egin baitu: “Neure barruan kabitu ezinik nago, aurten oso urte borobila izan dugu, Desafio R2 Espainia mailakoa irabazita, 2 gurpileko trakzioko kategorian ere aurrenak izan ginen Espainia mailan, eta orain hau”.