Albisteak

Arroa Beheko III. Ipuin Lehiaketako sariak banatu dituzte

— 2021-06-09

Parte hartzaileak sari banaketan (Ezkaizto Auzo Elkartea)

18 lan aurkeztu dituzte guztira eta Leire Egaña, June Garziarena eta Alaitz Uranga izan dira sarituak.

Ezkaizto Auzo Elkarteak antolatutako Arroa Beheko III. Ipuin Lehiaketako sariak banatu zituzten atzo arratsaldean. Guztira, 18 lan aurkeztu dituzte, hiru mailatan bereizita. Joseba Ossa eta Dani Aizpurua itzultzaileek eta Aitziber Elizara eskolako irakasleak osatu dute epaimahaia.

LH 1-2 mailan, Leire Egañaren Dinosauro txikia galduta ipuina saritu dute. Epaimahaiaren esanetan, “irudimen handia erakusten du, ondo harilkatuta dago, eta xamurtasuna eta balio positiboak nagusitzen dira”. Maila horretan, aipamen berezi bat ere egin nahi izan diote Alex Arangurenek idatzitako Txiki galdu egin da ipuinari.

L.H. 3-4 mailan, berriz, June Garziarenak idatzitako Juneren liburu magikoak eskuratu du lehen saria. Epaimahaiak lan horren “irudimena eta errealismoa” uztartzeko moduak goraipatu ditu. Azkenik, L.H. 5-6 mailan, Alaitz Urangaren Ametsen lurraldea aukeratu dute. Istorio “originala” eta “ondo idatzita eta landutakoa” dela azaldu du epaimahaiak.

Irakurri lan guztiak hemen.

Sari banaketako argazkiak (Ezkaizto Auzo Elkartea)

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide