Albisteak

Udalak martxan jarritako nerabeen parte-hartze prozesuak martxan jarraitzen du Arroabean ere, atzo arratsaldean lehen lan-talde bilera egin zuten elkargunean. Nerabeek aurrez proposatutako ekintzei forma ematen hasteko eta antolatzeko helburuarekin bildu ziren.

Udazkenean Zumaiako eskolan egindako bileretan, nerabeek dinamika ezberdinen bidez egin zituzten proposamenak aurkeztu zitzaizkien atzoko bileran. Prozesuan parte hartu duten auzoko hainbat gazte erreferente ere izan ziren bileran.

Nerabeek jada festa batzordean parte hartzen ari direla azaldu zuten, baita Karmenetako futbito-txapelketa antolatzeko lehen urratsak eman dituztela ere. Aurrerantzean, beraiek proposatutako ekintzei pixkanaka forma ematen joango dira.