Albisteak

Arroagoiko festetako herri afarirako txartelak salgai jarri dituzte

— 2019-07-12

Ate joka ditugu Arroagoiko Santio-Santana jaiak. Datorren hilaren 24an murgilduko dira festetan arroarrak. Urtero legez, herri afaria egingo dute auzoko elkartean eta festa batzordeko kideek afarirako txartelak salgai daudela jakinarazi dute. Uztailaren 24an izango da, Santio bezperan, iluntzeko 21:00etan hasita. Aitor Salegi eta Joxe Ramon Akulu bertsolariak arduratuko dira giroa alaitzeaz, trikiti doinuez lagundurik. Afarirako txartela erosi nahi dutenek ohiko lekuetan aurkituko dituzte. 18 urtetik beherakoek 14 euro ordaindu beharko dituzte eta gainontzekoek 24.

Ikusi hemen festetako egitaraua.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide