Albisteak

Astelehenean hasiko dira Udaleku Irekiak, Kirol Udalekuak eta Uda Gazte programa.  Udaleku irekietan 96 haurrek eman dute izena lehenengo txandan, eta 88 bigarrenean. Kirol Udalekuetan, 88 haurrek hartuko dute parte guztira eta Uda Gazte Programan 30.

Udaleku irekiak eta Kirol Udalekuak

2024ko udaleku irekiek eta kirol udalekuek 2 txanda izango dituzte, lehenengoa ekainaren 24tik uztailaren 5 arte izango da eta bigarrena, uztailaren 8tik 19ra.  10:00etatik 13:00etarako ordutegia izango dute.

Adinaren arabera egin dituzte taldeak, eta herriko toki ezberdinetan elkartuko dira. Udaleku irekietako taldeak  HH2 eta HH3koak txanpiñoian elkartuko dira, HH4 eta HH5ekoak Kultur Etxeko atarian eta 1. ziklokoak Euskal Herria plazan ikusiko dute elkar. Kirol Udalekuetako taldea, kiroldegi aurreko parkean elkartuko da.

Bi egun berezi nabarmenduko dituzte, uztailaren 9an San Fermin ospatuko dute eta haurrak txuri-gorriz jantzita joatea eskatuko da.  Uztailaren 2an, 1. zikloko haurrekin, Orio/Izar parkera irteera egingo da eta ordutegia luzeagoa izango dela aurreratu dute 10:00etatik 17:30era.

Uda Gazte programa

Uda Gazte programak ere 2 txanda izango ditu, lehenengoa ekainaren 24tik uztailaren 5 arte izango da eta bigarrena, uztailaren 8tik 19ra. Talde honek lehenago hasi eta lehenago amaituko ditu saioak, 09:30etik 12:30era eta kiroldegi aurreko parkean elkartuko dira.