Aste honetan bukatuko ditugu euskara ikastaroak Zestoako euskaltegian; giro onean amaitzen saiatuko gara gainera, klaseko poteo-afari, txango-bazkari eta afari-meriendekin. Eguraldia lagun, seguru merezitako agur-festak izango direla. Lan handia egin baitugu aurten eta orain, azken txanpa! ‘Azken txanpa‘… nondik ote dator esapide hori? Zer da ‘txanpa‘?

Hiztegiak honela dio: Estropadetan, arraunaldi bizkorra.

Hara! Udako kirol erreginari lotutako esaera dugu, orduan! Horrela bada, gustura eragingo diegu arraunei azken txanpa honetan, denok batera, taldean, euskararen olatua indartsu hartu eta estropada irabazteko!!!