Albisteak
Badatoz Aizarnako festak
— 2019-08-05Abuztuaren 14tik 17ra festetan murgilduko dira aizarnarrak. Abuztuak 14a, asteazkenean 18:00tan emango diote hasiera jaiei txupinazoarekin eta ondoren pilotariak, herri afaria eta 23:00etan DJ Davila izango da. Punky gaua bezala izendatu dute aurtengoan, beraz, herritarrak punkyz mozorratzera deitu dituzte. Herri afarirako txartelak dagoenekoz salgai daude Konpitteko eta Aranburunean, abuztuaren 11rarte.
Ostegunean Amabirjin eguna ospatuko dute herri kirolak eta Eneko eta Julen trikitilariekin. Ostiralean berriz, umeen txanda izango da, krosa, ur jolasak, ginkana eta txokolatada izango dituzte txikienek dibertitzeko, besteak beste. Eta amaitzeko oilasko biltzaileen eguna ospatuko dute, urtero legez, etxez etxe ibiliko dira oilasko biltzaileak dantzan egun osoan zehar, tartean paella lehiaketa izango da plazan, eta amaitzeko, Laiotz taldea gaua girotzen.
Egin zaitez bazkide