Albisteak

Datorren astelehenean izango da San Martin eguna eta Lasaotarrek festetako egitaraua iragarri dute.

Azaroak 11, San Martin egunean bertan, 11:30ean meza izango da eta ondoren jubilatuentzako hamaiketakoa  antolatu dute. Festen txupinazoa ostiralean, azaroak 15, 20:00etan egingo dute. Jarraian, pintxo dastaketa eta triki poteoarekin hasiko dute festa Iraitz eta Unai trikitilariekin. Egun potoloa, larunbatekoa izango da: 13:00etan umeen txupinazoarekin hasiko dute eguna, ondoren 14:00etan umeen bazkaria gozatzeko aukera izango dute. Arratsaldean 16:00-19:00 puzgarriak eta txokolatada izango dira auzoko txikien gozamenerako. Festei amaiera emateko 20:30ean bertso afaria izango dute Andoni Egaña eta Amets Arzallus bertsolariekin. Hitzeder eta Txibilter trikitilarien saioarekin itxiko dute festa.

Azaroak 11, astelehena:
11:30 Meza
Ondoren, jubilatuentzat hamaiketakoa

Azaroak 15, ostirala:
20:00 txupinazoa
Ondoren, pintxo-triki poteoa Iraitz eta Unai trikitilariekin

Azaroak 16, larunbata:
13:00 umeen txupinazoa
14:00 umeentzat bazkaria
16:00-19:00 puzgarriak
17:00 txokolatada
20:30 Bertso afaria. Bertsolariak: Andoni Egaña eta Amets Arzallus
Trikitilariak: Hitzeder eta Txibilter