Albisteak

Berdaitz Landa izango da gizonezkoen lehenengo erregional mailako taldearen entrenatzaile berria

Berdaitz Landa zestoarrak gizonezkoen Zestoako taldea gidatuko du datorren denboraldian. Pasa den denboraldian ez zioten preferente mailari eustea lortu eta aurten, lehenengo erregional  mailan jokatuko dute.

Zuzendaritza berriak eskaini zion entrenatzaile izateko aukera Landari eta ondo pentsatu ondoren, baiezkoa ematea erabaki zuen. “Eskaini didaten proiektua gustatu zait eta gainera jokalari batzuk nire izena ere proposatu zuten eta horrek asko motibatu nau” azaldu du Landak. Denboraldia hasteko gogotsu dago zestoarra eta dagoeneko lanean hasi dela adierazi du. Helburua mailaz igotzea dela esan du eta indar guztiak horretan jarriko dituela.