Albisteak
Berrikuntzekin iritsiko da Olentzero Zestoara
— 2022-12-22Larunbat arratsaldean iritsiko dira Olentzero eta Mari Domingi Zestoara. Aurten, estreinekoz, plazan ekitaldi txiki bat egingo da: Olentzero enborrari sua emango zaio. Antolatzaileen arabera, aurten izandako gauza txarrak erretzeko aukera egongo da, eta baita su berriari, eguzki berriari edo Eguberriari desio onak eskatzeko ere.
Arratsaldeko 17:30ean iritsiko dira protagonistak Lau Iturri ingurura eta handik plazararako bidea hartuko dute, Gabon kantak abesten eta trikitilarien doinuek lagunduta. Antolatzaileek baserritarrez jazteko deia egin dute.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide