Albisteak

Abenduaren 18an izango den bertsolari txapelketa nagusiari begira bertso porra antolatu du Portalek. Bertsolarien sailkapenean postu gehien asmatzen saiatu beharko dute parte hartzaileek eta postu bakoitzak bere puntuazioa izango du; aurrenekoak 100 puntu, bigarrenak 50, hirugarrenak 25 puntu…

Baldintzak zein izango diren ere jakinarazi du Portalek: Kiniela bakoitzeko 2 euro ordaindu beharko dira. Pertsona bakoitzak nahi adina kiniela egin ahal izango ditu. Kinielak egiteko azken eguna abenduaren 17a izango da. Portalen bertan bete beharko dira kinielak eta puntu gehien lortzen dituztenen artean berdinketarik balego, zozketa bidez erabakiko da sariduna.

Irabazlearentzat saria Xiberuko ikastolen saskia izango da eta bigarren saski bat ere zozketatuko du Portalek partaide guztien artean.