Albisteak

Bertso Trama saioa izango da igandean Kultur Etxean

Erniarraitz bertsozale elkarteak antolatuta, Bertso Trama saioa izango da datorren igandean, hilak 26, Kultur Etxeko areto nagusian. Alaia Martin eta Aitor Bizkarra bertsolariak arituko dira kantuan, eta Jon Gurrutxaga arituko da gai jartzaile lanetan. Saioa arratsaldeko 17:30ean hasiko da.

Sarrerak dagoeneko eskuragai daude Mollergi eta Portale tabernetan, eta Azpeitiko Sanagustin kulturgunean, hamar euroren truke. Antolatzaileek jakinarazi dute egunean bertan ere egongo dela sarrerak erosteko aukera.

 




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide