Albisteak

“Bertsolaritza ikasgelan” programa jarriko dute martxan herriko hiru ikastetxeetan

Bertsolaritza sustatu eta euskarazko ahozkotasuna indartzeko helburuarekin jarriko dute martxan “Bertsolaritza ikasgelan” programa herriko hiru ikastetxeetan. Lehen Hezkuntzako 3. zikloko ikasleei zuzendutako ekimena da. Bi astetik behin ordubeteko saio bat izango dute Erniarraitz bertso elkarteko kide baten eskutik.

Duela urte batzuk Zestoako herri eskolan eta Aizarnakoan hasi ziren saio hauek egiten baina bertan behera gelditu ziren. Pasa den ekainean udaleko nahiz Zestoa, Aizarna eta Arroabeko ikastetxetako ordezkariak biltzen hasi ziren eta programa berreskuratzeko hitzarmena sinatu zuten. Legealdi osorako hitzarmena izango da eta Zestoa, Aizarna eta Arroabeko ikastetxeetan ezarriko da programa.

Argazkia: Zestoako Udala