Albisteak

Bidegorriaren Aldeko Taldeak auzolanean bide zati berri bat garbitu du

Taldeko kideen esanetan, “Instituzioek ezer egiten ez dutela ikusita”, Arroako hainbat herritarrek motozerrak, aitzurrak eta sardeak hartu eta bidea auzolanean garbitzea erabaki dute. Aspertu omen dira itxoiteaz eta beraien esku dagoen guztia egiten jarraituko dutela diote, aitzurrekin, pankartekin edo beharrezko den guztiarekin.

Azken hilabetean, Guardizahar baserri paretik tren geltoki zaharrera doan “bidegorri” zatia garbitzen eta txukuntzen aritu dira. Auzolaneko antolatzaileen esanetan, “egindako lanak bere fruituak eman ditu, bidea txukun-txukun geratzeĀ  ari da, baina egindako lana alferrikakoa izan ez dadin, garbitutako bide zatian harri txintxor edo hormigoi pixka bat botatzeko eskatu nahi dio Bidegorriaren Aldeko Taldeak Udalari”.

Eta jarraitzen dute esanez, herritarron partetik, dagoen lanerako gogoa eta borondatea izugarria dela eta beraien esku dagoen guztia egiteko prest daude. Hori bai, bidearen zenbait zati egiteko instituzioen parte hartzea beharrezkoa dela eta beste behin ere bidea amai dezatela eskatzen dietela.

 




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide