Azaroa 2025
— 2025-12-03Irakurri 276. zenbakia hemen.
Albisteak
Biharko, auzolanerako deia egin du Arroabeko eskolak urmaela egiteko
Danbolin— 2024-01-18Arroabeko eskolak putzu didaktiko bat egingo du Sakulupe parkean. Helburua ikasleekin ekosistema era erreal batean landu ahal izatea da. Bihar, ikas orduetan ikasleak ekingo diote auzolanari eta arratsaldeko 16:30etik aurrera auzotarrei egiten zaie deia.
Arroako Eskolak, Aranzadi elkartearekin elkarlanean, Hezkuntza Sailaren STEAM deialdira aurkeztu zuen proiektua. STEAM (Zientzia, Teknologia, Ingeniaritza, Artea eta Matematikak) arloetan berrikuntza-proiektuak garatzeko Eusko Jaurlaritzaren laguntza da.
Putzuak 5,5 metroko zabalera eta 6,8ko luzera izango du eta Sakulupe parkean kokatuko da, eskolaren aldamenean baino hezietatik kanpo. Zuzendariak pozez adierazi digu, Udalak inongo oztoporik ez zuela jarri proiektua eskolako eremuetatik kanpo eraikitzeko, eta espazioaren lagapena eskertzen du, bestela proiektua ez baitzen posible izango.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
