Albisteak

Bost kasu gehiago Zestoan

— 2020-11-10

Bost kasu gehiago zenbatu ditu Osasun Sailak atzo egindako PCR frogetan Zestoan. Asteburuan sei atzeman ziren eta guztira, 17 kutsatu baieztatu dira azken zazpi egunetan herrian. Eskualdean positiboen kopuruak gora egin du. Igandean 65 kasua baieztatu zituzten eta gaur, 84: 26 Azpeitian, 21 Azkoitian, 5 Zumaian, 21 Zarautzen, 4 Orion, 5 Zestoan eta bana Getarian eta Errezilen. Aian, Aizarnazabalen eta Beizaman ez da positiborik atzeman.

Positibo kopuruak gora egin du EAEn. Osakidetzak 14.039 PCR eta antigeno proba egin ditu azken orduetan Araban, Bizkaian eta Gipuzkoan eta horietatik 1.310 positibo baieztatu dituzte, atzo baino 132 gehiago: 552 Gipuzkoan, 631 Bizkaian eta 110 Araban. Egindako frogen %9,3ak positibo eman dute. EAEtik kanpo bizi diren 17 pertsonak ere positibo eman dutela jakinarazi du Osasun Sailak. Hiru lurraldeetan 518 pertsona daude ospitaleratuta, atzo baino 10 gehiago eta horietatik 135 daude ZIUn.

Nafarroan ere positibo kopuruak gora egin du. Atzo egindako frobetan 217 kasu baieztatu dituzte aurreko egunean baino 85 gehiago. Guztira 2.910 froga egin dituzten eta horien %7,45ak positibo eman dute.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide