Albisteak
Datorren igandera atzeratu dute Arroa Bira
— 2023-11-04Igande honetan egitekoak ziren Arroa Bira astebetez atzeratzea erabaki du Arroabeko Ezkaizto auzo elkarteak.
Bi ibilbide izango dira aukeran. Luzea, 14 kilometrokoa egin behar dutenak goizeko 9etan aterako dira Arroabeko plazatik. Mardu, Urain gaina, Olaberri, Arroagoia, Ibañarrieta, San Lorente, Agote eta Arroabea itzulia egingo dute.
Motza egiteko asmoa dutenak, berriz, 10:30ean aterako dira plazatik eta San Lorentetik Arroabera itzulia egingo dute. Han elkartuko dira bi ibilbideetan parte hartu dutenak.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide