Albisteak
Dena prest igandeko finalerako
— 2021-03-31Pandemiak erabat baldintzatuta jokatuko dute aurtengo Binakako Emakume Master Cup txapelketa. Antolatzaileek aurrekoak bezalako txapelketa bat egiteko asmoa zuten baina egoera dela eta, moldatu egin behar izan dute.
Guztira, 16 pilotarik hartu dute parte txapelketan, zortzi bikotetan banatuta. Hiru asteburutan jokatu dute txapelketa eta igande honetan izango da final handia: Naroa Agirre eta Olatz Arrizabalaga Iera Agirre eta Maite Ruiz de Larramendiren aurka. Martxoaren 20an eskuratu zuten finalerako txartela Agirrek eta Arrizalagak, Leire Garai eta Oihana Orbegozoren aurkako partida 22 eta 8 irabazi ostean.
Igandeko finala Irungo frontoian jokatuko da baina pandemia dela eta, publikorik gabe izango da.Zaleek partida EITB1en zuzenean jarraitzeko aukera izango dute, eguerdiko 12:00etatik aurrera.
Argazkia: Eduardo Agirre
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide