Egunean Behin jokoaren denboraldi berria hasi da

Egunean Behin jokoaren hirugarren denboraldia hasi da gaur, astelehena. 62.000 jokalariren langa gainditu zuen joan den urteko Gabonetan Codesyntax enpresak garatutako aplikazioak.

Jokoaren izenak dioen bezala, egunean behin partida bat jokatu behar dute parte hartzaileek. Kultura orokorreko hamar galdera erantzun behar dira, ahalik eta denbora gutxienean. Aplikazioa Google Play edo App Store plataformetatik deskargatu behar da eta gero, 3972FA kodea sartu beharko da Danbolineko taldeko partaide izateko.