Albisteak

Gaur, irailak 6, hasi dira ofizialki Zestoako jaiak, eta datorren astelehenera arte iraungo dute. Ospakizunekin batera giro ona dagoenez, jai-giroa herriko txoko bakoitzean sumatzen da.

Txupinazoa herriko elkarte gastronomikoetako ordezkariek bota dute, Mikel Arregi alkatea bertan zela. Inaugurazio hitzaldian, Arregik jaietako elkarbizitzaren eta elkarrekiko errespetuaren garrantzia gogoratu du, “Izan genero, izan sexu izaera, izan herritartasun, Zestoan denak direla ongi etorriak eta denak direla zestoarrak, bertan jaioak izan edo hemendik milaka kilometroetara” azpimarratuz. Dei bat egin du herritar eta bisitari guztiak tratu onean ibili daitezen eta jaiez errespetuz gozatzera.

Elkarte gastronomikoak funtsezkoak izan dira Zestoako bizitza sozialean, eta haien parte-hartzea nabarmena izan da. Aurten, Xabier Iriondo eta Manuel Olaizola, “Uztapide” izenez ezaguna, izan dira erakunde horien ordezkariak txupinazoan.

Arratsaldean festak jarraituko du:

17:30 Herriko bandaren, dultzaineroen eta txistularien kalejira, lehen zekorketa iragarriz.
18:00 Lehen zekorketa. Toreatzailea: Eduardo Ruiz de Velasco. Ordezkoa: Eduardo Rodriguez. Ganadutegia: Adolfo Rodriguez Montesinos (Oropesa, Toledo). Ondoren, Lopene ganadutegiko zezen bolaztatuak. Ondoren Zestoako Banda Erdikalean. Elektrotxufla txaranga.
18:00 Gurea Kultura ekimenak antolatuta zezenketen alternatiba kontzertuak estazio aldean: LaMia Mari + Pinpilinpussies + Viva Belgrado.
21:00 Pilota partidak kiroldegiko frontoian. Lehen partida: Egiguren V – Gabirondo VS. Salaberria – Erostarbe. Masters Caixabank txapelketa: Altuna III – Iztueta VS. Ezkurdia – Albisu
22:30 Bad Sound + Bake faltsua + Arene 6.