Albisteak
Emakume Langilearen Nazioarteko eguna dela eta, hainbat ekintza izango dira herrian
— 2022-03-08Martxoaren 8a da gaur, Emakume Langilearen Nazioarteko Eguna eta hori dela eta, hainbat ekintza izango dira gaur herrian. Arratsaldeko 18:30ean, Urola Erdiko Itaiak deituta elkarretaratzea egingo dute plazan, Emakume langileok askatzeko, sozialismoa eraiki lelopean. Hala nola, emakumeen lan baldintzen okertzea eta hipersexualizazioaren eta indarkeria matxistaren normalizazioa salatuko dituzte. Horrez gain, alderdi politikoek feminismoarekiko duten jarrera ere salatuko dute.
Arratsaldeko 19:00etan, berriz, Bargaztak, 3Z eta Zestoako Emakumeak taldeek deituta, manifestazioa izango da plazatik abiatuta. Herriko kaleak zeharkatu ostean, ekitaldia egingo dute plazan. “Urtero Martxoak 8an gure eskubideak defendatzeko emakumeon aliantza ospatzen dugu. Feminismoaren hariaz ehundutako sarea da gure arma. Horregatik, 19:00tan plazara etortzeko gonbidapena luzatzen dizugu, denon artean sare hau sendotzen jarraitu dezagun” azaldu dute antolatzaileek.
Egin zaitez bazkide