Enplegu Zentroko eta Orientazioko zerbitzu presentzialak martxan

Iraurgi Berritzen Urola Erdiko Garapen eta Berrikuntza Agentziak jakinarazten du, Enplegu Zentroko eta Orientazioko aurrez aurreko zerbitzuak, ekainaren 8tik berriro ere martxan daudela.

Enplegu Zentroak, ohikoa den bezala, hurrengo arloetan kudeaketa eta laguntza eskainiko dizkie enpresa, erakunde eta erabiltzaileei:

  • Eskualdeko lan eskaintzen kudeaketa eta www.urolanprest.eus webgunean argitalpena eta difusioa.
  • Hautagaien kudeaketa.
  • Lan-eskaintzei buruzko informazioa eta lan-eskaintzetan izena emateko informazioa.
  • Enplegu-bilaketa aktiboa.
  • Enplegua aktiboki bilatzeko IKTen erabilerari buruzko aholkularitza.

Honekin batera, honako zerbitzuak ere eskainiko dizkie erabiltzaileei:

  • Eskualdeko enplegu-eskaintzak eta prestakuntza-zerbitzuak jasotzen dituen iragarki-taula eta webgunea: www.urolanprest.eus
  • Lan-eskaintzak bilatzeko ordenagailuak.

Orientazio Zerbitzuak, erabiltzaileei aholkularitza pertsonalizatuta eskaintzen jarraituko du. Pertsona bakoitzaren beharretara egokitutako orientazio integrala, enplegu eta prestakuntza beharrak aztertuz, beti ere enplegagarritasuna hobetzeko helburuarekin.

Honako laguntza pertsonalizatua ere eskainiko du:

  • Enplegua aktiboki bilatzen laguntzea eta ibilbidea jorratzea.
  • Curriculuma eta aurkezpen-gutuna landu.
  • Prestakuntza-beharrak aztertu.
  • Lan-merkatuaren gaurkotasunari buruzko informazioa.

Azkenik, beti bezala, Iraurgi Berritzenek, lan munduratze programen kudeaketa zerbitzua ere eskainiko du:

  • KAP (Karrera Amaierako Proiektua) eta praktiken kudeaketa.
  • Hazilan programa.
  • Bidelan.

ORDUTEGIAK:

Enplegu Zentroa:

  • Azpeitian: Astelehena, asteazkena eta ostirala 9:00-14:00 eta 15:00-17:00
  • Azkoitian: Asteartea eta osteguna 9:00-14:00 eta 15:00-17:00
  • (Udako ordutegia 9:00-15:00)

Orientazio Zerbitzua:

  • Azpeitian: Asteartea 12:00-14:00, osteguna eta ostirala 9:00-14:00
  • Azkoitian: Astelehena eta asteazkena 9:00-14:00
  • Zestoan: Asteartea 9:15-11:45



Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide