Albisteak
“Erabakitzeko eskubidearen aldeko festa” egin da Zestoan
— 2017-04-09Larunbat arratsaldean “Erabakitzeko eskubidearen aldeko festa” ospatu zen Zestoan, Hitziturri elakrteak antolatuta. Zestuko Trikitixa taldeko kideek girotutako kalejiran herriko toki ezberdinak bisitatu zituzten herritarrek. Axun Arrazola plazan ekin zioten bideari eta lehenengo geldialdia zuhaitzak landatzeko egin zuten. Ondoren, frontoi zaharrean pelotan “kaleazka” jardun zuten.
Kalejiran zehar Aitor Salegi bertsotan jardun zen, eta Salegik jarritako bertsoen panelak eskegi zituzten Zestoako kaleetan (ikusi argazkietan).
Azken geldialdia Laranjadi Plazan izan zen, bertan Itxaropena Dantza Taldeko kideek Gure Esku Dagoren abestiarekin dantza egin zuten. Azpiko bideoan ikus dezakezue Itxaropenako kideen dantza:
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide