Garena eta izan nahi duguna adierazten duten euskarazko kanten bila

Erronka eta zozketa berri bat martxan.

Santakutzetako playlist-ak sortzeko kanpainak oso erantzun ona jaso zuen. Herritar pila batek parte hartu zuen.
Amabirjinei begira, erronka pixka bat zaildu egin dugu: oraingo honetan ez da nahikoa izango gustuko euskarazko abestia izatea; horrez gain ‘balio’ bat aldarrikatu eta islatzen duen abestia.

Sariak bai errepikatuko ditugu: Parte-hartzaile guztien artean 2 trago + 2 pintxo 10 txartel zozketatuko ditugu irailaren 7an, txupinazo aurretik.

Hortaz, parte hartzeko:

1. Gustuko musika aukeratu
Musika entzutea gustuko baduzu edota beti modako abestiak entzuten ibiltzen bazara erronka bat dugu zuretzat: aukeratu batzuk eta

2. Aztertu
Erritmoa bigarren plano batean utzi eta letra arretaz aztertu. Zer mezu eta balio transmititzen ditu?

3. Balio positiboak dituztenak bereizi
Berdintasuna, inklusioa, maitasuna, askatasuna, elkartasuna, justizia, abegikortasuna, etorkizuna… aldarrikatzen duen bat aukeratu

4. Mundua eraldatu
Mundua eralda dezakegu ekintza solidarioen bidez: pertsonak diskriminatzen ez dituztenak, menpean hartzen ez dituztenak edo zaurgarri bihurtu edo aske bihurtzen dituztenak.
Mezu positiboak dituzten abestiak partekatzen baditugu, herri hobe eta bidezkoago bat eraikitzen lagunduko dugu.

5. Jantzi balioen aurikularrak
Ekintza txikiak dira mundua eraldatzen dutenak.