Albisteak
Errege Magoen kabalkada izango da urtarrilaren 5ean
— 2021-12-28Ohiturari jarraiki, urtarrilaren 5ean iritsiko dira Errege Magoak Zestoara. Arratsaldeko 18:30ak inguruan irtengo da kabalkada Akoako aldapatik. Aurten, egoera dela eta, ez da gozokirik botako eta ibilbidea luzeagoa izango da, jendea sakabanatzeko. Meltxor, Gaspar eta Baltasarrek ez dute geldialdirik egingo eta Zubimusun amaituko dute herriko kaleetan barrena egingo duten ibilbidea.
Kabalkada baino lehen, Erregeen bi paje eliza atarian izango dira, 16:30etatik 18:00etara bitartean, haurren gutunak jasotzen eta gerturatzen diren haurrei gozokiak emango dizkiete.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide