Argiola Energia Komunitateak etxeko gas kontratuen fakturak ulertzeko Energia bulegoa irekiko du. Doako aholkularitza zerbitzua emango du Arroabean eta Zestoan.

Argiola irabazi asmorik gabeko kooperatiba da, eta besteak beste, energia arduraz erabiltzeko eta iturri berriztagarriak erabiltzeko bideak ireki nahi ditu. Bestalde, energia- merkaturen konplexutasuna kontuan izanda, haren helburuen artean kontsumitzaileak informatzea eta herritarrak ahalduntzea ere badago.

Hori dela eta, etxeko ekonomian duen eragina kontuan izanda, energiaren prezioen, kontratu engainagarrien edo BEZaren aldaketen labirinto horretan, gure energia-faktura ulertzea, zer ordaintzen dugun jakitea eta kontratu bat edo bestea aukeratzeko unean irizpide zehatzak izatea funtsezkoa da.

Bulegoa herritar guztientzat zabalduta egongo da, eta norbere etxeko gas naturalaren fakturarekin joaten direnei aholkatu eta aurrezten lagunduko zaie, honako ordutegian:

Zestoa. Udaletxeko behe solairuan

-Urtarrilak 22, astelehena: 10:00-12:00 eta 18:00-20:00

-Urtarrilak 24, asteazkena: 10:00-12:00 eta 18:00-20:00

-Urtarrilak 29, astelehena: 18:00-20:00

-Urtarrilak 31, asteazkena: 18:00-20:00

Arroabea. Elkargunean

-Urtarrilak 26, ostirala: 18:00-20:00

-Otsailak 2, ostirala: 18:00-20:00