Albisteak

Euripean jokatu da IV. Gurutzeaga Saria

— 2017-04-01

Larunbat goizean jokatu da IV. Gurutzeaga Saria Zestoan. Eguraldi aldakorra izan da lasterketan zehar, euria gogoz egin du eta txirrindularientzako proba gogorra izan da.

Lasterketa ihesaldian erabaki da. Bost laguneko taldeak ihes egin du, eta helmugara pelotoia baino bost minutu ignguru lehenago heldu dira. Aipatu behar da, ihesaldian Alex Uranga txirrindulari zestoarra sartu dela, amaiera laugarren postua eskuratu du Urangak.

Lasterketako garailea Xabier Isasa (Goifiber-Godoy) izan da, bigarren Ander Blazquez (Ulma) eta hirugarren Julen Dorronsoro (Limusin Cartonajes) sailkatu da. Taldekako garaipena Goifiber-Godoy Urretxuko taldeak eskuratu du.

Lasterketa Zestoako Txirrindulari Elkarteak antolatu du, Zestoa eta inguruetako 60 bolondres inguruk kolaboratu dute lasterketan.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide