Azaroa 2025
— 2025-12-03Irakurri 276. zenbakia hemen.
Albisteak
Euskal Pilota Egokituko XV. Gipuzkoako Txapelketan arituko da Jurdan Arakistain
Danbolin— 2025-01-30Larunbatean hasiko da Euskal Pilota Egokituko XV. Gipuzkoako Txapelketa Zarauzko Aritzbatalde pilotalekuan. Bertan, Jurdan Arakistain izango da parte-hartzaileetako bat, adimen urritasuneko teniseko paleta kategorian.
Txapelketak bi kategoria izango ditu: batetik, adimen urritasuna duten kirolarien txapelketa, eta bestetik, urritasun fisikoa duten kirolariena. Lehiaketa bi modalitatetan jokatuko da: buruz buru eta binaka. Adimen urritasuna duten kirolariek paletaz jokatuko dute, teniseko pilotarekin.
Lehendabiziko jardunaldia larunbatean izango da Zarautzen, goizeko 09:00etatik 14:00etara eta arratsaldeko 16:00etatik 19:00etara. Arratsaldean teniseko paletako buruz buruko partidak jokatuko dira, eta Jurdan Arakistain bertan arituko da. 16:00etan hasiko dira partidak, eta Jurdanek bi partida jokatuko ditu: lehenengoa Joseba Altunaren aurka eta seigarrena Iraitz Huegunen aurka.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
