Euskaraldia 2020 badator, baita Zestoara ere!
— 2020-03-10Atzo, martxoak 9, aurtengo edizioari ekiteko lantalde berria jarri dugu martxan.
Euskarari, euskararen erabilerari astindu berri bat eman nahi diogu. Gure erara. Aurten biziagotu eta hobetu nahi ditugu gure ‘ahobizi’ eta ‘belarriprest’ rolak. Hori da gure buruari egin diogun erronka.
Aurreko edizioan ondo egindakoak mantenduko ditugu: lantaldearen giroa, bilerak tabernetan egitea… Hortaz, adi, gure hurrengo hitzordua martxoaren 22an izango da.
Lantaldea, jakina, ez dago itxita. Parte hartu nahi baduzu, edo informazio gehiago nahi baduzu, idatzi zestaokoeuskaraldia@gmail.com epostara.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide